Albiz auzoa Bizkaiko antzinako kofradien lehen herriguneetako bat izan zen, baita albiztarren leinuaren jatorria ere. Albiztarren dorretxea behin baino gehiagotan erre zuten. Dorretxea gotiko-errenazentista estilokoa da eta XVI. mendean berreraiki zuten, baina orain hondatuta dago. Leinu hori Urdaibaiko lehen leinuetako bat da, eta, antza denez, neutrala bandokideen arteko gerretan.
Antzinako argazkietan ikus daitekeenez, bi isurialdeko teilatua zuen, eta, teilatu horrek altuera txikia zuenez, ondoriozta daiteke egungo egitura moztuta dagoela. Ikusten denez, leihoak estuak ziren, geziak jaurti ahal izateko (gezileihoak).
Albiz jauregia XVIII. mendekoa da eta bi armarri ditu: albiztarrena eta allende-salazartarrena; eskualdean oso ezagunak ziren bi leinu dira.
