Santimamiñeko koba Ereñozar mendiaren behealdean dago eta Bizkaiko aztarnategi arkeologiko garrantzitsuena da. Barrualdean Erdi Madeleine alditik (14000 urte inguruan oraina baino lehen) Kalkolitora bitarteko (4000 urte inguruan oraina baino lehen) giza egonlekuen hondakinak aurkitu dituzte, eta ia berrogeita hamar labar-pintura daude bertan. 2008an, UNESCOk gizateriaren ondare izendatu zuen aztarnategia.
