Kultur sorkuntzako fabrika hau, Euskadiko lehena, arma-fabrika bat izan zen antzina, 1916an eraikia. Eraikina Ondare Historiko izendatu zuten eta oso-osorik eraberritu zuten. Fatxada berria Liam Gillick artista ingelesak egin zuen.
Erabilera anitzeko leku bat da, eta aitzindaria, sorkuntza eta joera berriei, ikerketari eta prestakuntzari dagokienez. Fabrikak 2.000 metro karratutik gorako azalera du, hiru solairutan banatuta.
Astrako tokiak moldagarriak dira eta fabrikak lau gune nagusi ditu: «Arte eszenikoen eta gorputz-adierazpenaren faktoria», «Ikus-entzunezkoen eta diseinuaren faktoria», «Arte plastikoen eta eskulanen faktoria» eta «Hitzaren faktoria». Nabarmendu behar da Astra Gernika-Lumoko artistek eta kolektibo kulturalek kudeatzen dutela.
