Berrekondo ibaiaren ertzean dago, presa zaharretik metro gutxi batzuetara. Hurbileko bi errekastoren ura biltzen duten bi presa ditu. Hainbat mendetan burdinola indartsua izan zen eta Somorrostroko meategietatik (Bilboko itsasadarraren ezkerraldetik) zetorren burdin mineralaz hornitzen zen. Azken urteetan, nekazaritzako lanabesak eta, batez ere, iltzeak ekoizten espezializatu zen. Geroago, burdinaren ekoizpenaren gainbehera iritsi zenean, errota bihurtu zen, eta duela gutxi arte minizentral hidroelektriko gisa funtzionatu du, Gernika-Lumoko hiribildua energiaz hornitzeko.
