Erlojuaren Dorrea San Bartolomeko biztanle batek eraiki zuen, 1851n, Busturiko herritarrek erabil zezaten. Madariaga dorretxearen ondoan dago eta estilo neoklasikoa du: piramide-enbor itxurako dorrea, itsasargi baten antzeko silueta duena.
Erlojuak gaur egun leku berean jarraitzen du bere zerbitzuak ematen, eta jatorrian izan zuen posizio berean orientatuta dago. Madariaga dorretxearen multzo arkitektonikoan dago gaur egun Urdaibaiko Biosfera Erreserbako Interpretazio Zentroa.
